GRAN XORNADA DE SAMAÍN PARA O C.B.CASELAS !

O pasado xoves día 31 de outubro tivemos unha tarde especial cargada de baloncesto no pavillón municipal con tres partidos nos que os equipos do C.B. Caselas fixeron un gran papel.

Cadete feminino e cadete e senior masculinos xogaron a un alto nivel, levándose a victoria en todos os encontros.

SENIOR MASCULINO

C.B. CASELAS HERMANOS NÚÑEZ 66 – 57 PBB C

Parciais: 10 – 12 / 23 – 16 / 13 – 12 / 20 – 17

Anotadores: Manuel L. 13; Xur 10; Eloy 10; Álex 10; Girma 10; Pablo 5; Rober 2; Jose 2; Héctor 2; Jorge 2; Fredi; Manuel G.

O Senior Masculino Hermanos Núñez demostrou o seu gran estado de forma, nun partidazo dos que fan desfrutar ao público do noso clube.

Nun encontro moi igualado que supuña a reedición da final de copa da tempada pasada, os de Martín mostraron un tremendo compromiso e estiveron metidos no partido en todo momento ante un moi bo rival como foi o PBB.

Despois dunha segunda metade igualadísima con alternancias no marcador, os nosos acadaron unha merecida victoria no derbi comarcal que leva o equipo ao máis alto da clasificación despois das primeiras cinco xornadas. Noraboa e a continuar así !

CADETE FEMININO

C.B. CASELAS NOREXCA 65 – 33 APÓSTOL VIGO

Gran partido do noso cadete feminino que recuperaba desta maneira o encontro aprazado da cuarta xornada ligueira perante ao Colexio Apóstol Santiago vigués.

As rapazas adestradas por Adrián fixeron un bo traballo en xeral. Na primeira metade a pesares de comezar ben sobre todo en ataque, o Caselas baixou o seu nivel defensivo no segundo cuarto polo que ao descanso o resultado estaba bastante igualadao (32 – 20).

Tras o paso polos vestiarios o equipo mellorou permitindo soamente 13 puntos do rival nos dous derradeiros periodos.

Segunda victoria consecutiva para o Cadete Feminino Norexca que está a competir moi ben nunha liga tan dura coma esta. Parabéns e a continuar traballando!

CADETE MASCULINO

C.B. CASELAS BALIDEA 116 – 4 CÍA DE MARÍA

Nova victoria para o C.B. Caselas Balidea, cun resultado que fala por sí só.

Noraboa aos nosos e tamén aos rapaces do equipo visitante polo seu comportamento nun partido tan complicado para eles.

A próxima fin de semana voltaremos á competición destacando o debut dos nosos equipos Mini Feminino, Mini Masculino e Premini Mixto. A desfrutar !!!