ESPECTACULAR CONCENTRACIÓN BABY, PARTIDAZO DO INFANTIL MASCULINO E DERROTAS DE AMBOS SENIOR

CONCENTRACIÓN BABY (DOMINGO 30 / MARZO. PAVILLÓN MUNICIPAL SALCEDA DE CASELAS)

O pasado domingo celebramos unha nova concentración baby no noso pavillón (xa é a segunda que organiza o C.B. Caselas este curso) na que participaron 9 equipos da Delegación Viguesa de Baloncesto.

@s rapaz@s máis nov@s do C.B. Caselas, C.B. Redondela, C.B. Condado, C.B. Nigrán, C.B. Tui, Seis do Nadal, Novobasket, García Barbón e PBB desfrutaron dunha gran mañá de basket e convivencia na que respirouse un gran ambiente tanto na pista como nas gradas!

Xa estamos desexando que chegue a seguinte. Para o noso clube é un auténtico pracer organizar este tipo de eventos e de seguro que antes de que remate a tempada faremos outra na nosa casa!

SENIOR MASCULINO

C.B. NIGRÁN 62 – 50 C.B. CASELAS HERMANOS NÚÑEZ

Parciais: 9 – 12 / 19 – 9 / 17 – 14 / 17 – 15

Anotadores: Xur 11; Álex 9; Iván 8; Girma 5; Manu L. 5; Santi 4; Jorge 4; Héctor 2; Pablo S. 2; Jose; Rober; Manu G.

Partido duro o xogado polo noso senior masculino na pista do C.B. Nigrán, un equipo moi rocoso que superou aos nosos sobre todo no xogo interior, levándose a victoria final.

Aínda así os de Martín competiron e intentáronno, pero non puido ser.

Ánimo e a dalo todo nas dúas derradeiras xornadas!

SENIOR FEMININO

BLANCO AMOR OURENSE 48 – 30 C.B. CASELAS LR NATURAL GRANITE

Parciais: 11 – 8 / 6 – 6 / 21 – 9 / 10 – 7

Anotadoras: Cris 16; Alejandra 9; Iria 5; Alba G.; Raquel; Elena V.; Elena T.; Joana.

Encontro complicado a nivel ofensivo para as senior do C.B. Caselas que competiron ben na primeira metade, pero que no terceiro periodo víronse superadas polo ritmo imposto polas locais.

Agora, toca doble xornada: o venres viaxamos a Cambados e o domingo recibimos ao Apóstol na casa.

A por todas !

CADETE MASCULINO

C.B. CASELAS BALIDEA 58 – 38 SEIS DO NADAL

COLEXIO MARIANO 48 – 56 C.B. CASELAS CONSTRUCCIONES MACEIRAS

Xornada moi positiva para ambos os dous equipos de categoría cadete masculina: o C.B. Caselas Balidea logrou unha importante e clara victoria ante o Seis do Nadal na casa, nun encontro no que saímos moi enchufados (26 – 3 ao rematar o primeiro periodo) e que na segunda metade complicouse debido en parte a defensa zonal que plantexaron os vigueses nos derradeiros 20 minutos de encontro.

O Cadete Construcciones Maceiras levou a cabo unha auténtica xesta o pasado sábado: con soamente cinco xogadores dispoñibles debido ás baixas, os de Luismi o deron todo nunha pista moi complicada como é a do Colexio Mariano (sen teito, cunha parede de formigón a menos dun metro da banda, etc) e levaron unha valiosa victoria grazas ao traballo en equipo ante unha situación difícil.

Grandes rapaces!

INFANTIL MASCULINO

NOVOBASKET VIGO 71 – 73 C.B. CASELAS HERMANOS NÚÑEZ (PRÓRROGA)

Auténtico partidazo do Infantil Masculino Hermanos Núñez que cun marcador de – 11 ao descanso remontou tras o paso polos vestiarios e nun tremendo último periodo levou o partido á prórroga.

No tempo extra a igualdade foi máxima e a victoria caeu do noso lado.

Independentemente de gañar ou perder, os de Julián o deron todo nun bonito partido ante un gran rival. Grandes!

INFANTIL FEMININO

C.B. CASELAS EAM 27 – 64 CELTA ROJO

As infas continúan a mellorar e perante un rival fronte o que o perderamos 53 – 3 na ida, as de Adrián competiron e fixeron un gran esforzo por parte de todas as xogadoras.

A continuar así!

MINI MASCULINO

DEFENSORES DO MORRAZO 54 – 41 C.B. CASELAS ALVANOR

Encontro duro o desputado polo Mini Masculino na súa visita a Moaña para enfrontarse aos Defensores do Morrazo.

A pesares das baixas e coa axuda dos preminis, os de Jorge competiron ben e xogaron un partido igualado ante un equipo moi físico.

PREMINI MIXTO

SEIS DO NADAL 59 – 9 C.B. CASELAS

SESIÓN DE VIDEO CADETE FEMININO

O pasado venres o cadete feminino tivo sesión de video no ximnasio do pavillón para analizar o seu xogo de cara ao derradeiro tramo da competición.

Foi unha tarde moi productiva e divertida.

O video non minte 🙂

IV CAMPUS DE VERÁN C.B. CASELAS (24 – 28 DE XUÑO de 2025)

SOAMENTE QUEDAN 2 PRAZAS PARA O NOSO CAMPUS!

SE ESTÁS DUBIDANDO, PREINSCÍBETE XA!

XORNADAS DE PORTAS ABERTAS C.B. CASELAS: XOVES 3 DE ABRIL e LUNS 7 DE ABRIL

Os próximos xoves 3 e luns 7 de abril celebramos dúas xornadas de PORTAS ABERTAS no C.B. CASELAS.

Tod@s @s xogador@s do clube de canastra pequena poden traer un invitad@ para probar nos entrenos!

BABY (2017 – 2018): 16:30h a 17:15h

PREMINI (2016 – 2015): 16:30h a 17:30h

MINI (2014 – 2013): 17:30h a 18:30h

ANIMÁDEVOS!