O SENIOR FEMININO CLASIFÍCASE PARA A FINAL DE COPA E CRÓNICA DO SUPER DOMINGO !!!

SENIOR FEMININO

C.B. CASELAS LR NATURAL GRANITE 71 – 57 IGUALDADE CAMBADOS

Parciais: 21 – 16 / 18 – 11 / 15 – 14 / 17 – 16

Anotadoras: Tamara 28; Cris 14; Alejandra 10; Susi 6; Elena 4; Lucía 4; Iria 3; Irene 2; Raquel.

Unha xornada máis as rapazas do senior feminino fixeron desfrutar á afección do C.B.Caselas cun gran partido. Nesta ocasión, nunha cita moi especial para o clube, xa que tratábase nin máis nin menos que do encontro de volta das semifinais de copa.

O Caselas, que traía sete puntos de vantaxe do partido xogado en Cambados, saíu a por todas dende o primeiro minuto de xogo para impoñer o seu ritmo cunha defensa moi intensa. En ataque saímos enchufadas e xogamos con intelixencia mostrando a gran melloría neste aspecto dos últimos meses de competición.

A segunda metade resultou máis igualada pero grazas a aportación de todas as xogadoras, mantivemos sempre diferenzas de entre 7 e 12 puntos respecto ás visitantes, levándonos a victoria e acadando así de maneira brillante o pase á gran final de copa senior feminina.

Non podemos estar máis orgullosos deste grupo que nesta primeira tempada da historia do Caselas en categoría senior feminino, competíu a un nivel moi alto na liga e que a próxima fin de semana disputará merecidamente a final do torneo copeiro perante un duro rival: o campión de liga Salesianos Vigo.

A por todas e sobre todo a desfrutar !!!

SENIOR MASCULINO

C.B.CASELAS HERMANOS NÚÑEZ 64 – 67 C.B.NIGRÁN

Parciais: 22 – 12 / 11 – 23 / 16 – 17 / 15-15

Anotadores: Kentre Williams 21; Xur 13; Darrell Paxton II 13; Alex 6; Eloy 5; Iván 2; Jorge 2; Héctor 2; Jose; Rober; Fredi; Manuel.

O partido que pechaba o super domingo de baloncesto no C.B.Caselas prometía emocións fortes.

Xogábase o senior masculino o primeiro posto do grupo de copa perante o C.B.Nigrán, con ambos equipos xa clasificados para a Final Four e o partido non defraudou ao público presente no pavillón de Salceda.

O Caselas saíu moi forte no primeiro periodo, rematando dez puntos arriba. O segundo periodo foi para os visitantes, que lle devolveron o parcial inicial aos nosos.

A segunda metade foi igualadísima e o partido decidíuse nos derradeiros segundos.

Este choque supuxo unha boa proba para o equipo de cara á semifinal de copa desta próxima fin de semana, e os de Martín responderon con boa nota.

CHAMAMENTO A TODA A FAMILIA DO C.B.CASELAS !!!

O Senior Feminino LR Natural Granite xogará a FINAL DE COPA e o Senior Masculino Hermanos Núñez a SEMIFINAL DE COPA !!!

Os partidos serán:

SÁBADO 1 DE XUÑO: Semifinal Copa Senior Masculino 18:30h

DOMINGO 2 DE XUÑO: Final Copa Senior Feminino 12:00h

Ambos encontros se xogarán no Pavillón As Lagoas do CUVI

Noraboa a ambos equipos polo temporadón e sobre todo polo gran exemplo que exercen sobre a nosa canteira.

Agardamos a toda a familia do C.B.Caselas para animar e apoiar a ambos os dous equipos !!!

CADETE MASCULINO

C.B.CASELAS BALIDEA 58 – 51 C.B.TUI

Partidazo de baloncesto o que xogou o noso Cadete Masculino perante os veciños do C.B.Tui. Un encontro moi igualado que se decidíu nos derradeiros instantes.

Os rapaces do Caselas leváronse a victoria grazas a un gran traballo colectivo e achéganse un pouquiño máis á Final Four da copa. Grandes !

CADETE FEMININO

SEIS DO NADAL 62 – 25 C.B.CASELAS

Derrota do Cadete Feminino na pista do Seis do Nadal, nun partido duro no que as nosas o intentaron e o deron todo. A continuar traballando antes do derradeiro encontro oficial da próxima fin de semana en casa perante o C.B.Tui.

INFANTIL MASCULINO

DEFENSORES DO MORRAZO 19 – 69 C.B.CASELAS HERMANOS NÚÑEZ

NS ESPERANZA 55 – 4 C.B.CASELAS NATURAL GRANITE

O infantil Hermanos Núñez acadou unha gran victoria no Morrazo antes da derradeira xornada do grupo de copa, mentres que o Infantil Natural Granite rematou a súa tempada oficial cunha abultada derrota, que non empaña o gran papel dos rapaces e a melloría mostrada nos últimos meses.

Estamos moi contentos con ambos os dous grupos !

MINI MASCULINO

C.B.CASELAS 59 – 9 C.B.REDONDELA

Os minis remataron a tempadada cun gran partido na casa contra o C.B.Redondela, no que mostraron a mellloría tanto individual como colectiva do equipo. Noraboa !

MINI FEMININO

C.B.CASELAS 27 – 35 CELTA MARINO

Unha vez máis as minis xogaron un partido intenso e igualado como vén sendo habitual nos últimos meses. Con este encontro rematan unha tempada oficial moi positiva e productiva, na que o grupo non parou de medrar durante todo o curso. Grandes !

PREMINI MIXTO

C.B.CASELAS 35 – 22 C.B.REDONDELA

O Premini Mixto rematou a copa cun partidazo no que despois de comezar perdendo, levaron a cabo unha gran remontada grazas ao esforzo de tod@s @s xogador@s.

Foi un curso de moita aprendizaxe e mellora deste grupo !

CONCENTRACIÓN BABY

Unha vez máis e xa foron tres esta tempada, o C.B.Caselas organizou a Concentración Baby no Pavillón Municipal de Salceda, reunindo a 9 equipos da contorna e vivindo un ambiente espectacular coas gradas repletas de familias que desfrutaron ao grande do espectáculo de baloncesto e diversión ofrecidas polos xogador@s máis pequech@s da competición federada.

É unha gozada para o noso clube organizar este tipo de eventos e por outra banda, estamos tremendamente contentos polo gran grupo baby que formamos este curso: xa temos 16 rapaz@s nesta categoría, algo básico para continuar a medrar na nosa canteira.

RECTA FINAL DE TEMPADA

Todavía queda case un mes para rematar a tempada no C.B.Caselas: as competicións de mini, premini e baby xa remataron; as de canastra grande todavía están en xogo.

Ademáis, os adestramentos continuarán ata o xoves 20 de xuño e, por suposto, chega un dos eventos máis agardados polos xogador@s de todas as categorías: A LIGA DOS INSECTOS E DINOSAURIOS, ademáis da LIGA DOS FÓSILES, nas que participarán tod@s @s compoñentes da familia do C.B.Caselas (PROXIMAMENTE TODA A INFO)

Por último chegará a III edición do noso campus, que se celebrará do 25 ao 29 de xuño.

A DESFRUTAR !!!