CARTA ABERTA de Adrián Salgado a Jorge González Pérez “JITO”

Se o C.B. CASELAS xogase na NBA, habería que retirar o teu número e colgar a túa camiseta do alto do pavillón.

En primeiro lugar, polo teu palmarés co C.B. CASELAS (2 campionatos de copa consecutivos nas tempadas 2014-15 e 2015-16 e a consecución do Playoff de Salvación na tempada 2015-16).

E, en segundo lugar, e o verdadeiro motivo polo que mereces ser historia viva do CASELAS, polo COMPROMISO total co noso club e o espectacular COMPORTAMENTO que tiveches todos estes anos con nos.

Formado como xogador na canteira do noso club veciño de Porriño, Jito encarna tódolos valores que o C.B. CASELAS quere representar e transmitir á nosa base.

Persoalmente, tiven a sorte de coñecerte como compañeiro de equipo e tamén como adestrador, e podo afirmar sen temor a trabucarme que coñecín a poucos coma tí en ambas situacións nos 24 anos que levo metido no mundo do baloncesto. Sempre comprometido, disposto a axudar tanto dentro da pista como fora dela, eres o compañeiro que todo xogador quere ter e o xogador co que todo adestrador quere ter ás súas ordes.

Agradézoche sinceramente o apoio que sempre me bríndache e o respeto que mostrache ante as miñas decisións, tentando facer sempre bo ambiente no equipo, algo impagable nun equipo senior.

Dame 12 JITOS para un equipo de baloncesto! (bueno, 9 Jitos, un tirador, un base e un pivot dominante) 🙂

Tes que saber Jito, e creo que o sabes perfectamente, que as portas do C.B. CASELAS estarán sempre abertas para a túa volta, sexa como xogador, directivo ou adestrador de TIRO!

Dende o club desexámoste que che vaia xenial na túa nova vida en Granada! Botarémoste de menos!

Adrián Salgado Fernández